17.09.2026 | 11:00
Կառավարության նիստը՝ ՈՒՂԻՂ
Ռոբերտ Քոչարյանը պատրաստ է Կարեն Կարապետյանին պաշտոն առաջարկել
Քաղաքականություն
15.06.2021 | 14:50
«Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանը ընտրություններում հաղթելու դեպքում ՀՀ նախկին վարչապետ Կարեն Կարապետնյանին կառաջարկի վերադառնալ Հայաստան։ Այս մասին Քոչարյանն ասել է ռուսական մի քանի լրատվամիջոցի տված հարցազրույցում, հաղորդում է «Սպուտնիկ Արմենիան»։
Հունիսի 14-ին ՀՀ նախկին վարչապետ Կարեն Կարապետյանը հայտարարություն էր տարածել, որում իր աջակցությունն էր հայտնել «Հայաստան» դաշինքի ղեկավար Ռոբերտ Քոչարյանին։ Կարապետյանի վերադարձի հեռանկարի մասին ու հնարավոր կարգավիճակի մասին հարցին Քոչարյանը պատասխանել է, որ պարբերաբար շփվում է նախկին վարչապետի հետ։
«Պարզապես ցավում եմ, որ նա մեկնել է։ Կարծում եմ՝ այն, ինչ եղավ այն ժամանակ, պարզապես սխալ էր։ Ծայրահեղ դեպքում՝ իմ կողմից առաջարկ կլինի»,- ասել է Քոչարյանը։
Հարցին, թե այդ թեմայով քննարկումներ արդեն եղե՞լ են, նախկին նախագահն առաջարկել է պատասխանն առայժմ փակագծերի մեջ թողնել։
Հիշեցնենք՝ Կարեն Կարապետյանը ՀՀ կառավարությունը ղեկավարել է 2016 թվականի սեպտեմբերից մինչև 2018 թվականի ապրիլը։
Տաթև Ֆռանգյան
