14.09.2026 | 18:10
ԵՄ ներկայացուցիչը Երևանում է // Միացյալ Թագավորության երեք երկրներն անկախության գործընթաց կսկսեն․ ԼՈՒՐԵՐ
Էրդողանը ժամանել է Ադրբեջան. այժմ Արցախի գրավյալ տարածքներ է ուղևորվում
Քաղաքականություն
15.06.2021 | 11:53
Հունիսի 15-ին Թուրքիայի նախագահ Ռեջեփ Թայիփ Էրդողանը պաշտոնական այցով ժամանել է Ադրբեջան։ Տեղի լրատվամիջոցների հաղորդմամբ՝ Էրդողանին ու նրա կնոջը՝ Էմինե Էրդողանին օդանավակայանում դիմավորել են Ադրբեջանի վարչապետի առաջին տեղակալ Յագուբ Էյուբովը, ԱԳ փոխնախարար Խալաֆ Խալաֆովն ու պաշտոնատար այլ անձինք։
Թուրքական պատվիրակության կազմում Էրդողանի հետ ժամանել են պաշտպանության նախարար Հուլուսի Աքարը, նախագահի աշխատակազմի հաղորդակցության վարչության պետ Ֆահրեդդին Ալթընը, «Արդարություն ու զարգացում» կուսակցության խոսնակ Օմեր Չելիքը։
Նշենք նաև, որ այսօր արդեն Էրդողանն ուղևորվել է Արցախի գրավյալ տարածքներ։
Հիշեցնենք, որ նա հայկական Շուշիում Ադրբեջանի նախագահ Իլհամ Ալիևի հետ բանակցություններ է անցկացնելու, կողմերը համապարփակ գործընկերության համաձայնագիր են կնքելու, որի բովանդակության մասին ոչինչ դեռ հայտնի չէ։ Էրդողանն ու Ալիևը նաև մամուլի ասուլիով հանդես կգան։
Էմմա Չոբանյան
