05.07.2026 | 20:00
Վերջին շրջանում բախվել եմ մեծ ծավալի ատելության խոսքի, տարանջատումն ավելի է խորացել․ արցախցի բլոգեր․ ՏԵՍԱՆՅՈւԹ
Գնաճի հաշվարկի աճպարարությունը․ կարագի, արդուկի, մսի և փոշեկուլի պատմությունը (ՏԵՍԱՆՅՈՒԹ)
Տնտեսություն
28.02.2018 | 17:00
Ինչպես այլ այլ հարցերում, գնաճի դեպքում ևս պաշտոնական վիճակագրությունն ու քաղաքացիների առօրյա կյանքում արձանագրվող պատկերը միմյանցից խիստ տարբեր են։ Առաջին անհրաժեշտության ապրանքներից 12-ից 9-ում ԱՎԾ-ն գնաճ է արձանագրել, ընդ որում, ամենաշատը գործածվող կարտոֆիլը, անհրաժեշտ մսամթերքը և այլն, թանկացել են զգալիորեն: Սակայն ընդհանուր գնաճը, ըստ ԱՎԾ-ի, ընդամենը 2,6 տոկոս է:
Պատճառը զուտ թվաբանության մեջ է: Թվերի հետ կարելի է տարբեր խաղեր անել և ամեն անգամ տարբեր արդյունք կունենանք. եթե շուկա մտնողը տեսնում է, որ կարտոֆիլը թանկացել է 5,5 տոկոսով, ապա ԱՎԾ-ն հաշվում է, որ կարտոֆիլը թանկացել է այդքան, բայց արդուկը, փոշեկուլը, աշխատանքային գործիքներն ու սեղանի սփռոցը էժանացել են, և ուրեմն՝ արդյունքում կարտոֆիլը թանկացել է չնչին չափով:
Ինչպես ասում են՝ լավատեսի և վատատեսի խնդիր է. քաղաքացիներն ու լրագրողները վատատեսն են, որ բաժակը կիսով չափ դատարկ են տեսել, ԱՎԾ-ն ու կառավարությունը՝ կիսով չափ լիքը տեսնող լավատեսը:
Ինչի՞ համար են այս մանիպուլյացիաները, ո՞ւմ են դրանք ուղղված և ի՞նչ խնդիր են լուծում: Այս մասին՝ տեսանյութում:
Սևակ Հակոբյան
