26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Թուրքիայի ու ԱՄՆ պաշտպանության նախարարները քննարկել են տարածաշրջանային անվտանգությանն առնչվող հարցեր
Քաղաքականություն
11.06.2021 | 12:29
Թուրքիայի պաշտպանության նախարար Հուլուսի Աքարը հինգշաբթի հեռախոսազրույց է ունեցել ամերիկացի գործընկեր Լլոյդ Օսթինի հետ։ Քննարկվել են երկկողմ և տարածաշրջանային անվտանգությանն առնչվող հարցեր, գրում է թուրքական «Անադոլու» գործակալությունը՝ վկայակոչելով երկրի Պաշտպանության նախարարությունը։
«Զրույցի ընթացքում ազգային պաշտպանության նախարար Հուլուսի Աքարն ու ԱՄՆ պաշտպանության նախարար Լլոյդ Ջեյմս Օսթինը ՆԱՏՕ-ի գագաթնաժողովից առաջ կարծիքների փոխանակում են իրականացրել տարածաշրջանային ու երկկողմ պաշտպանական և անվտանգային հարցերի վերաբերյալ»,- հայտնել են գերատեսչությունից։
ՆԱՏՕ-ի անդամ երկրների՝ բարձր մակարդակով հանդիպումները կկայանան հունիսի 14-ին Բրյուսելում։
Տաթև Ֆռանգյան
