11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Տարօրինակ բան եմ ասում Արցախի խնդրի լուծման հետ կապված. Նիկոլ Փաշինյան. ՏԵՍԱՆՅՈՒԹ
Քաղաքականություն
08.06.2021 | 13:16
Այսօր շատ են խոսում, գլուխ են գովում, թե իրենք ստեղծել են Ղարաբաղի հարցի մեր պատկերացումներին համապատասխան լուծման հնարավորություն: Այս մասին, այսօր՝ հունիսի 8-ին, Արագածոտնի մարզի Արագածավան համայնքում քարոզչության ժամանակ հայտարարեց վարչապետի պաշտոնակատար, «ՔՊ»-ի վարչապետի թեկնածու Նիկոլ Փաշինյանը:
«Ես ասում եմ, որ չի եղել այդպիսի հնարավորություն: 1996 թվականից մինչև 2018 թվականը գոյություն ունեցած բանակցային բովանդակությունը միայն մի հնարավորություն է թողած եղել մեզ համար: Ղարաբաղը փուլային եղանակով Ադրբեջանի կազմ վերադարձնելու ճանապարհ է եղել դա: Բոլոր նրանք, ովքեր հետաքրքրվում են, թե ինչքանով է փաստարկված իմ ասածը, խնդրում եմ լսել 2 օր առաջ Աբովյան քաղաքում իմ ունեցած ելույթը: Այդտեղ բոլոր փաստարկները հնչել են»,- ասաց Փաշինյանը:
«Ես հիմա ձեզ տարօրինակ բան կասեմ, բայց ուզում եմ, որ դուք իմանաք: Այո, որոշակի ծանր ու վիրավոր իրավիճակում, բայց ես այսօր ավելի շատ հնարավորություններ եմ տեսնում Արցախի հարցը մեր պատկերացումներին համապատասխան լուծելու համար, քան թե դա գոյություն ուներ 4 տարի առաջ: Հավատացեք իմ այս անձանագրման: Ես ավելի մանրամասն չեմ կարող ասել նույն պատճռով, ինչպես 2018-2019 թվականներին չէի կարող մանրամասն ասել բանակցային բովանդակության մասին:
Միայն երկու բան կարող եմ ասել. ԵԱՀԿ Մինսկի խմբի համանախագահության շրջանակներում արձանագրվել է Ղարաբաղի վերջնական կարգավիճակը ճշգրտելու համար բանակցային գործընթացի վերականգնման անհրաժեշտությունը: մենք պատկերացնում ենք, որ այս բոլոր իրադարձություններից հետո «անջատում՝ հանուն փրկության» բանաձևի իրագործման հնարավորություններն էականորեն մեծացել են: Մեզ հարկավոր է հետևողական աշխատանք այս ուղղությամբ»,- նշեց Փաշինյանը:
Մանրամասները՝ տեսանյութում:
