24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Մեզ պետք են նոր դաշնակիցներ` Թուրքիայի մուտքը կանխելու համար. Ժիրայր Սեֆիլյան. ՏԵՍԱՆՅՈՒԹ
Քաղաքականություն
07.06.2021 | 19:26
Բացառվում է նախկինների և ներկաների հետ կոալիցիայի կազմումը: Նախընտրական քարոզարշավի մեկնարկին հրավիրված մամուլի ասուլիսում վստահեցրեց Ազգային-ժողովրդավարական բևեռի անդամ Ժիրայր Սեֆիլյանը
Հարցին՝ անգամ եթե դա լինի ճգնաժամի հաղթահարմանն ուղղված քայլ, այդ դեպքո՞ւմ էլ չեն գնա այդ ճանապարհով, նա պատասխանեց. «Բացառվում է նախկինների կամ ներկաների հետ որևէ կոալիցիա կազմելը կամ գործակցությունը ԱԺ-ում»:
Նա նշեց, որ ԱԺ-ում հայտնվելուց հետո իրենց ուժի համար ավելի հեշտ է ժողովրդին մոբիլիզացնելը, և, վերջիվերջո, ճգնաժամը պետք է հաղթահարել ժողովրդի ուժով ու կամքով: Այդ դեպքում նրա համոզմամբ՝ մնացած ուժերը ուզած-չուզած ենթարկվելու են ժողովրդի կամքին:
Ազգային-ժողովրդավարական բևեռի համար սկզբունքային է ԱՄՆ-ի հետ արտաքին քաղաքականության ոլորտում դաշնակցային հարաբերությունների հաստատումը, եվրոպական երկրների հետ համագործակցությունը: Անդրադառնալով հարցին, թե որտեղի՞ց վստահությունը, որ այդ երկրները պատրաստ են ՀՀ-ի հետ դաշնակցային հարաբերություններ հաստատել, Ժիրայր Սեֆիլյանը պատասխանեց. «Անկախ մեր որոշումից՝ Ռուսաստանն ինքը որոշել է տարածաշրջանից դուրս գալ: Մեզ օր առաջ անհրաժեշտ է իսկական դաշնակից ձեռք բերել, որ կարողանանք Թուրքիայի մուտքը տարածաշրջան արգելել: Այլընտրանք չունենք»:
Մանրամասները՝ տեսանյութում:
