26.03.2026 | 00:46
Ազատության պողոտայում բռնկված հրդեհը մարվել է
Մենք կբերենք խաղաղություն, կանխատեսելիություն և զարգացում․ Արթուր Վանեցյան. ՏԵՍԱՆՅՈՒԹ
Քաղաքականություն
07.06.2021 | 19:20
Մեկնարկում է Հայաստանի պատմության մեջ երևի ամենաանհասկանալի և տարօրինակ ընտրությունների քարոզարշավը. կործանման եզրին հասած Հայաստանը պետք է մի կողմից դիմակայի ներքին ու արտաքին թշնամիներին, մյուս կոմից փորձի համատարած քաոսի, հուսալքության մեջ ընտրի Հայաստանի լինել-չլինելու մեջ: Այս մասին «Պատիվ ունեմ» դաշինքի նախընտրական քարոզչության պաշտոնական մեկնարկի արարողության ժամանակ նշեց «Հայրենիք» կուսակցության նախագահ, «Պատիվ ունեմ» դաշինքի վարչապետի թեկնածու Արթուր Վանեցյանը:
«Այսօրվանից մեր ժողովրդին կներկայանան տարբեր քաղաքական թիմեր, գործիչներ, իսկ հաճախ գործիքներ՝ բութ և անհայրենիք, ուրիշների ձեռքին սեփական ժողովրդի դեմ օգտագործվող անբարո մահակներ:
Այսօր Հայաստանում կան իրենց ՀՀ քաղաքացի համարող ստահակներ, որոնք բացահայտ և անկաշկանդ քարոզում են հազարավոր զավակների սպանած, հայրենիքի մի հատվածը բռնազավթած, զինվորներ գերեվարված թշնամու թեզերը…
Այս 14 օրվա ընթացքում լինելու է կեղծիքի, սին խոստումների, մեծամտության մի գարշելի շքահանդես: Որպես ԱԱԾ գեներալ, խոստովանեմ, որ նրանցից շատերի ուղնուծուծը գիտեմ, գիտեն նրանց բարոյական կամ ավելի ճիշտ՝ անբարոյական նկարագիրը:
Վստահե՛ք մեզ, որովհետև մենք ուժեղ ենք, արդարամիտ և խոհեմ, վստահեք եթե ուզում եք ազատել մեր երկիրը չարի լծից։ Վստահե՛ք մեզ, եթե հոգնել եք նախկին-ներկա, սև – սպիտակ, աջլիկ–ձախլիկ և զանազան այլ կեղծ բաժանումներից: Վստահեք մեզ, եթե ուզում եք կրկին ունենալ ապահով Հայաստան, որովհետև մենք կբերենք խաղաղություն, կանխատեսելիություն և զարգացում: Վստահեք մեզ, եթե ուզում եք, որ ձեր թոռները չհարցնեն՝ պապ, բա ոնց եղավ, որ էսպես եղավ, այլև հպարտանան ձեզնով»։
Արթուր Վանեցյանը նշեց, որ մի քանի օր առաջ Արցախում էր և, երևի, կյանքի ամենադժվար ճանապարհն էր, ամենածանր զրույցները, ամենահուզական այցելությունները։
«Ուզում եմ ուղիղ հարցնել դավաճան կապիուլյանտին, դու նամուս ունե՞ս, դու թասիբ ունե՞ս, դու պատիվ ունե՞ս։
Հունիսի 20-ը մեր նոր փորձությունն է: Այո, այս ընտրությունները սովորական ընտրություններ չեն, այս ընտրությունները Հայաստանի լինել- չլինելու մասին են, բայց ես համոզված եմ, որ որևէ կասկած չունեմ, որ այն միասին և արժանապատվորեն հաղթահարելու ենք»,- ասաց Վանեցյանը:
Մանրամասները՝ տեսանյութում:
