08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Վիեննայում միջուկային գործարքի շուրջ բանակցությունների հաջորդ փուլը կարող է վերջինը լինել
Քաղաքականություն
03.06.2021 | 20:44
Վիեննայում միջուկային գործարքի շուրջ բանակցությունների հաջորդ փուլը կարող է լինել վերջինը: Այս մասին հինգշաբթի հայտարարել է բանակցություններում իրանական պատվիրակության ղեկավար, արտաքին գործերի փոխնախարար Աբբաս Արաքչին, գրում է ՏԱՍՍ-ը։
«Տրամաբանորեն, բանակցությունների հաջորդ փուլը պետք է լինի վերջինը։ Ինձ թվում է, որ մենք դեռ որոշ հեռավորության վրա ենք գտնվում համաձայնագրի կնքումից, բայց, իհարկե, հեռու չենք դրանից»,- նրա խոսքերն է մեջբերում ISNA-ն։
Միևնույն ժամանակ, նա նշել է, որ անհնար է 100 տոկոսով կանխատեսել բանակցությունների արդյունքը:
Հիշեցնենք՝ ապրիլի սկզբից Վիեննան հյուրընկալել է Իրանի Միացյալ միջազգային հանձնաժողովի և միջազգային «հնգյակի» (Ռուսաստան, Մեծ Բրիտանիա, Գերմանիա, Չինաստան և Ֆրանսիա) հանդիպումները, ինչպես նաև փորձագիտական մակարդակում աշխատանքներ են տարվում երեք աշխատանքային խմբերում՝ գործնական խնդիրները լուծելու համար, իրանական միջուկային ծրագրի վերաբերյալ համատեղ համապարփակ ծրագրի գործողությունների իրականացումը վերսկսելու նպատակով: Սա ենթադրում է Թեհրանի նկատմամբ Վաշինգտոնի պատժամիջոցների վերացում, Միացյալ Նահանգների՝ գործարքին վերադարձ և Իրանի կողմից միջուկային պարտավորությունների կատարում:
Տաթև Ֆռանգյան
