28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Տեր-Պետրոսյանը պետք է 24 տարի առաջ վերլուծեր և հրաժարականով Հայաստանը չհանձներ Քոչարյանին. Հրաչյա Հակոբյան. ՏԵՍԱՆՅՈՒԹ
Քաղաքականություն
19.05.2021 | 16:44
«Իմ քայլը» խմբակցության պատգամավոր Հրաչյա Հակոբյանը ԱԺ-ում լրագրողների հետ զրույցում անդրադարձավ ՀԱԿ համագումարում Լևոն Տեր-Պետրոսյանի հնչեցրած հայտարարությանը, որ մասնակցելու է ընտրություններին և ամեն ինչ անելու է, որպեսզի բացառվի թե՛ Նիկոլ Փաշինյանի վերընտրվելը, թե՛ Ռոբերտ Քոչարյանի վերադարձը: Տեր-Պետրոսյանը նաև նշել է, որ եթե նրանցից որևէ մեկը վարչապետ դառնա, Հայաստանը ծաղրուծանակի առարկա կդառնա ամբողջ աշխարհի համար:
«Կարծում եմ՝ ծաղրուծանակի առարկա է այն փաստը, որ մի քանի օր առաջ Լևոն Տեր-Պետրոսյանը առաջարկ էր անում Ռոբերտ Քոչարյանին դաշինք կազմել և միասին մասնակցել ընտրություններին, իսկ դրանից մի քանի օր անց, ստանալով Ռոբերտ Քոչարյանի և Սերժ Սարգսյանի մերժումը, բոլորովին այլ հայտարարություն է անում»,- նշեց պատգամավորը:
Հակոբյանն անդրադարձավ նաև Տեր-Պետրոսյանի այն դիտարկմանը, թե երկրի համար Թուրքիայից և Ադրբեջանից եկող սպառնալիքներից ավելի վտանգավոր կլինի այս իշխանության վերարատադրվելը: Հարցին, թե միգուցե ինչ-որ վերլուծությունների արդյունքում է առաջին նախագահը եկել այս եզրակացության, Հակոբյանը նշեց. «Տեր-Պետրոսյանը պետք է այդ որոշակի վերլուծությունները դեռ 24 տարի առաջ աներ, որ «խիզախաբար» հրաժարական տալով, Հայաստանը չհանձնեին Ռոբերտ Քոչարյանին: 20 տարի երկիրը թալանվել էր, և այդ պատճառով չարաբաստիկ պատերազմում մենք պարտվեցինք»:
Հակոբյանի համար անընդունելի է Տեր-Պետրոսյանի արդարացումը, թե իր հրաժարականով փորձել է խուսափել քաղաքացիական պատերազմից: «Տեր-Պետրոսյանը թող բարի լիներ, ունենար այնպիսի կառավարություն, որը կկարողանար կանխել քաղաքացիական պատերազմը և Ռ.Քոչարյանի՝ ՀՀ նախագահ նշանակվելը»,- նշեց Հակոբյանը:
Մանրամասները՝ տեսանյութում:
