12.09.2026 | 19:45
BRICS երկրները կաջակցեն բազմակողմ առևտրային համակարգին. Սի Ծինփին
Երբ որևէ պետական մարմին է սխալվում, ես անգամ մի հատ գլխին կտցնելու կամ բլդուղ անելու հնարավորություն չունեմ. Սերգեյ Դանիելյան
Հասարակություն
19.02.2018 | 15:38
Քանի որ միշտ եղել եմ իշխանամետ քաղաքացի ու կուսակցություն եմ ստեղծել, որը իշխանամետ է, ուզում եմ հիմա մեր իշխանությանը տեղյակ պահել, որ ես շատ լավ գործ եմ արել՝ ես գող եմ բռնել էսօր. լրագրողների հետ հանդիպմանն ասաց դերասան Սերգեյ Դանիելյանը:
«ԴԱՀԿ-ի այլանդակություններից, իհարկե, ո՛չ մեր նախագահը, ո՛չ հարգարժան վարչապետը տեղյակ չեն, դրա համար որոշեցի իրենց օգնել»,- ասաց դերասանը՝ շեշտելով, որ ԴԱՀԿ-ն իրենից 30 000 դրամ գումար է գողացել:
Սերգեյ Դանիելյանը դիմել է դատարան, և դատարանը վճիռը կայացրել էր հօգուտ դերասանի, սակայն նա որոշել է չսահմանափակվել միայն գումարի վերադարձով:
«Երբ քաղաքացին որևէ վարկ չի մուծում պատժում են սարսափելիորեն: Իսկ երբ որևէ պետական մարմին է սխալվում ես անգամ մի հատ գլխին կտցնելու, պոնչիկ անելու, կամ մի հատ բլդուղ անելու հնարավորություն չունեմ: Ուստի դիմում եմ մեր նախագահին ու վրաչապետին, եթե անգամ օրենք չեք ընդունել, որպեսզի պատժեք էդ անբարեխիղճ աշխատողներին, գոնե մենք կտցնելու, բլդուղ անելու, պոնչիկ անելու հնարավորություն ունենանք»,- ասաց նա:
Մանրամասները՝ տեսանյութում:
