17.09.2026 | 13:01
Հիփոթեք ունեմ 11,5%-ից դառել ա 13%, էդ ո՞նց ա ստացվում․ «Ուժեղ Հայաստանի» պատգամավոր․ ՏԵՍԱՆՅՈՒԹ
Պուտինն ու Էրդողանը հեռախոսազրույց են ունեցել․ քննարկել են նաև ԼՂ հարցը
Քաղաքականություն
09.04.2021 | 19:05
ՌԴ նախագահ Վլադիմիր Պուտինն ու Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել, տեղեկանում ենք Կրեմլի պաշտոնական կայքից։
Հաղորդագրության համաձայն՝ մանրամասն քննարկվել են կորոնավիրուսի դեմ պայքարի հարցեր։
Բացի այդ, անդրադարձ է եղել մի շարք միջազգային հրատապ թեմաների, այդ թվում՝ Սիրիայում ու Լիբիայում տիրող իրավիճակին։ Էրդողանի խնդրանքով Պուտինը նաև ներկայացրել է ռուսական դիրոքորոշումը ուկրաինական ճգնաժամի հետ կապված։
Քննարկվել է նաև Լեռնային Ղարաբաղի հակամարտության խնդիրը։
«Ռեջեփ Թայիփ Էրդողանը բարձր է գնահատել Ռուսաստանի քայլերը՝ իրավիճակի հետագա կայունացման, 2020թ․ նոյեմբերի 9-ի, 2021թ․ հունվարի 11-ի եռակողմ հայտարարությունների աստիճանական իրականացման գործում։ Վլադիմիր Պուտինը տեղեկացրել է Թուրքիայի նախագահին Հայաստանի ու Ադրբեջանի ղեկավարների հետ վերջին շփումների արդյունքների մասին։ Կարծիքներ են փոխանակվել Հարավային Կովկասում տրանսպորտային ենթակառուցվածների վերականգնման աշխատանքների ակտիվացման մասին»,- ասվում է հաղորդագրությունում։
Էմմա Չոբանյան
