26.08.2026 | 11:40
US Open. Սերենա Ուիլյամսն ու Կառլոս Ալկարասը պարտվել են 1/4 եզրափակիչում. ՏԵՍԱՆՅՈՒԹ
Նախորդ օրվա ընթացքում Արցախում ականազերծվել է 10 հա տարածք
Քաղաքականություն
07.04.2021 | 22:44
Ապրիլի 6-ին ռուս խաղաղապահները ուղեկցել են Ադրբեջանի Հանրապետության զինված ուժերի վեց շարասյուններին՝ Արցախի Հանրապետության տարածքով, այս մասին հայտնում է ՌԴ ՊՆ-ն:
Չորս շարասյուն եղել է՝ Լաչինի միջանցքով հյուսիսային և հարավային ուղղություններով, մեկ ավտոշարասյուն Շուշի-Կարմիր Շուկա-Ջիվանի երթուղով և մեկը՝ հակառակ ուղղությամբ: Ադրբեջանական կողմի խնդրանքով տրամադրվել է նաև մարդասիրական բեռի խմբաքանակի առաքում Ստեփանակերտ-Մատաղիս-Վանք-Քարվաճառ երթուղով:
Ռուսաստանի խաղաղապահ զորախմբի ներկայացուցիչները, Ռուսաստանի մարդասիրական առաքելության հետ համատեղ, իրականացրել են մարդասիրական գործողություն, որի ընթացքում Ստեփանակերտի բնակիչներին են հանձնվել առաջին անհրաժեշտության իրեր, բժշկական պարագաներ, սննդամթերքի ծանրոցներ:
Մարդասիրական ականազերծման կենտրոնի ականազերծող թիմերը շարունակում են իրենց աշխատանքը Լեռնային Ղարաբաղի տարածքի ականազերծման ուղղությամբ: Օրվա ընթացքում ստուգվել է 5 շենք, մաքրվել է 10 հա տարածք, 3 կմ ճանապարհ:
Ընդհանուր առմամբ, 2020-ի նոյեմբերի 23-ից չպայթած զինամթերքից մաքրվել է 1922 հա տարածք, 590 կմ ճանապարհ, 567 կմ ճանապարհ, 1667 բնակելի շենք, ներառյալ 30 սոցիալական նշանակության օբյեկտ, հայտնաբերվել և վնասազերծվել է 25415 պայթուցիկ օբյեկտ:
