17.09.2026 | 12:56
Երկրաշարժ Շողակաթ գյուղից 3 կմ հարավ-արևելք
Բաքուն խափանում է Լաչինի միջանցքով Արցախի օգնության փոխանցումը, նախկին նախագահների հանդիպումը․ Լուրեր
Քաղաքականություն
26.03.2021 | 18:02
Մարտի 25-ին հանդիպում է տեղի ունեցել Հայաստանի և Արցախի նախկին նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, Արկադի Ղուկասյանի և Բակո Սահակյանի միջև։ Քննարկվել են ետպատերազմյան շրջանում Արցախում ստեղծված իրավիճակին և հետագա հնարավոր զարգացումներին վերաբերող մի շարք հարցեր։
—
Ադրբեջանը, խախտելով միջազգային մարդասիրական իրավունքը, շարունակում է գերության մեջ պահել հայ քաղաքացիական անձանց և ռազմագերիներին, խոչընդոտել Լաչինի միջանցքով Արցախին մարդասիրական օգնության տրամադրումը։ Այս մասին ՀՀ-ԵՄ երկխոսության հերթական նիստի ժամանակ ահազանգել է հայկական կողմը։
—
Ադրբեջանական կողմը հաստատեց Մեխակավանի (Ջեբրայիլ) Զորավոր Սուրբ Աստվածածին եկեղեցու հիմնահատակ ավերման միտումնավոր և ծրագրված բնույթը, և որ դա իրականացվել է Ադրբեջանի իշխանությունների որոշման արդյունքում: Այս մասին հայտարարել է Հայաստանի ԱԳՆ խոսնակը։
—
Ազգային ժողովի «Լուսավոր Հայաստան» խմբակցության պատգամավոր Արմեն Եղիազարյանը հայտարարել էր, որ 2018 թվականին Ադրբեջանից Հայաստան է փոխանցվել 211 մլն դոլար: Դատախազությունից Factor.am-ին հայտնել են, որ պատգամավորի հնչեցրած հայտարարությունն ուսումնասիրվում է։
—
