26.08.2026 | 20:55
Թրամփը մեկնաբանել է ԿՀՎ ղեկավարի Մոսկվա կատարած այցը
Դատախազությունն ուսումնասիրում է ԼՀԿ պատգամավորի՝ Ադրբեջանից ՀՀ 211 մլն դոլարի փոխանցման մասին հայտարարությունը
Հասարակություն
26.03.2021 | 14:17
Ազգային ժողովի «Լուսավոր Հայաստան» խմբակցության պատգամավոր Արմեն Եղիազարյանը մարտի 24-ին Ազգային ժողովում հայտարարել էր, որ ըստ Համաշխարհային բանկի հաշվետվությունների՝ 2018 թվականին Ադրբեջանից Հայաստան է փոխանցվել 211 մլն դոլար:
Դատախազությունից Factor.am-ին հայտնեցին, որ պատգամավորի հնչեցրած հայտարարությունն ուսումնասիրվում է։
«Հայտարարությունից անմիջապես հետո Դատախազությունն այն արձանագրել է, մուտքագրվել է Դատախազություն և ներկայում գտնվում է ուսումնասիրության փուլում։ Հետագա ընթացքի վերաբերյալ, ըստ անհրաժեշտության, կտեղեկացնենք»,- ասաց գլխավոր դատախազի խորհրդական Գոռ Աբրահամյանը։
Հիշեցնենք՝ պատգամավոր Արմեն Եղիազարյանը նշել էր, որ համաձայն Համաշխարհային բանկի 2019 թվականի հոկտեմբերի հաշվետվության՝ 2018 թվականին Ադրբեջանից Հայաստան է փոխանցվել 211 մլն դոլար, իսկ 2017 թվականին այդ գումարը կազմել է 7 մլն դոլար։
Մերի Մարտիրոսյան
