20.02.2026 | 18:41
Հայաստանը կարող է Ադրբեջանի և Թուրքիայի միջև էներգետիկ համագործակցության մաս դառնալ. Թուրքիայի էներգետիկայի նախարար
Թուրքիան դուրս է գալիս Ստամբուլյան կոնվենցիայից
Քաղաքականություն
20.03.2021 | 11:57
Թուրքիայի նախագահ Ռեջեփ Թայիփ Էրդողանի հրամանագրով Թուրքիան դուրս է գալիս 2011 թվականին ստորագրված Ստամբուլյան կոնվենցիայից. հաղորդում է aa.com.tr-ը:
Որոշման մեջ ասվում է.
«Թուրքիայի Հանրապետության անունից 11.05.2011-ին ստորագրվել է և 10.02.2012-ին նախարարների խորհրդի կողմից հաստատվել է թիվ 2012/2816 որոշումը` կանանց նկատմամբ բռնությունների և ընտանեկան բռնությունների դեմ պայքարի Եվրոպական խորհրդի կոնվենցիան: Թուրքիայի կողմից դրան անդամակցությունը դադարեցնելու մասին որոշումը կայացվել է՝ համաձայն նախագահի թիվ 9 հրամանի 3-րդ հոդվածի»:
Ընտանիքի, աշխատանքի և սոցիալական ծառայությունների նախարար Զեհրա Զումրութ Սելչուկը Twitter-ի իր միկրոբլոգում գրել է, որ Թուրքիայում կանանց իրավունքները երաշխավորված են ներքին օրենսդրությամբ ու Սահմանադրությամբ: Ապա հավելել է որ Թուրքիայի իրավական համակարգը «բավականաչափ դինամիկ և ուժեղ է»՝ ըստ անհրաժեշտության նոր կարգադրություններ իրականացնելու համար:
Թուրքիայում «Ստամբուլյան կոնվենցիայի» քննադատները հղում են անում այն բանին, որ կոնվենցիան խարխլում է ընտանեկան արժեքները, ներմուծում է արևմտյան արժեքներ:
