11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Խաղաղապահների աջակցությամբ ԼՂ-ում վերսկսվել է ջրի պոմպակայանի կառուցումը
Քաղաքականություն
19.03.2021 | 13:45
Լեռնային Ղարաբաղում ռուս խաղաղապահները ապահովում են ջրի պոմպակայանի կառուցման անվտանգությունը` Խնաբաթ և Ասկերան բնակավայրերին ջուր մատակարարելու համար, որոնց մեծ մասը ռազմական գործողությունների հետևանքով մնացել են առանց ջրամատակարարման, հայտնում են ՌԴ ՊՆ-ից։
Ավելի վաղ պոմպակայանում շինարարական աշխատանքները դադարեցվել էին `սահմանազատման գծի մոտակայքում գտնվելու պատճառով:
ՌԴ ՊՆ-ից տեղեկացնում են, որ շինարարական աշխատանքների վերականգնումը հնարավոր է դարձել ՌԴ խաղաղապահ զորախմբի հրամանատարության միջնորդությամբ՝ հայկական ու ադրբեջանական կողմերի միջև ձեռք բերված պայմանավորվածությունների արդյունքում։
Նշվում է, որ ներկայումս խմելու ջուրը Խնաբաթ և Ասկերան մատակարարվում է կոմունալ ծառայությունների կողմից, սակայն պոմպակայանի շահագործումից հետո դրա հզորությունը բավարար կլինի խմելու ջուր ապահովելու ոչ միայն այս քաղաքների բնակչությանը, այլև հարակից գյուղատնտեսական նշանակության հողերին:
Տաթև Ֆռանգյան
