11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Արցախում մեկ օրում մաքրվել է 17 հա տարածք, 5 կմ ճանապարհ, 9 բնակելի շենք, հայտնաբերվել է 19 պայթուցիկ օբյեկտ․ ՌԴ ՊՆ
Քաղաքականություն
13.03.2021 | 16:39
2021 թ. մարտի 12-ի դրությամբ՝ ռուսական խաղաղապահ զորակազմը շարունակում է առաջադրանքներ իրականացնել Լեռնային արաբաղի տարածքում: Դիտարկման 27 կետերում ռուս խաղաղապահները շուրջօրյա վերահսկողություն են իրականացնում իրավիճակի վերաբերյալ և վերահսկում են հրադադարի ռեժիմի պահպանումը:
Ռուս խաղաղապահներն ապահովում են քաղաքացիների անվտանգ տեղաշարժը և քաղաքացիական ենթակառուցվածքների վերականգնումը և հումանիտար օգնություն ցուցաբերում բնակչությանը:
Մարդասիրական ականազերծման կենտրոնի ականազերծող թիմերը շարունակում են իրենց աշխատանքը Լեռնային Ղարաբաղի տարածքի ականազերծման ուղղությամբ: Օրվա ընթացքում մաքրվել է 17 հա տարածք, 5 կմ ճանապարհ, 9 բնակելի շենք, 19 պայթուցիկ օբյեկտ է հայտնաբերվել և հանվել ոչնչացման համար:
Ընդհանուր առմամբ, 2020թ. նոյեմբերի 23-ից չպայթած զինամթերքից մաքրվել է 1640 հա տարածք, 513 կմ ճանապարհ, 1,586 բնակելի շենք, ներառյալ 30 սոցիալական նշանակության օբյեկտ, հայտնաբերվել և վնասազերծվել է 25173 պայթուցիկ օբյեկտ:
Տրամադրվել է Ադրբեջանի զինված ուժերի վեց շարասյունների ուղեկցություն՝ 4 շարասյուն հյուսիսային և հարավային ուղղություններով Լաչինի միջանցքով, մեկ շարասյուն Շուշի-Կարմիր շուկա ուղղությամբ և մեկը՝ հակառակ ուղղությամբ: Ռուսաստանի ճանապարհային տրանսպորտով Ադրբեջանի 144 տոննա մարդասիրական բեռի փոխադրումն իրականացվել է Մատաղիս-Վանք-Քարվաճառ երթուղով:
Ռուս խաղաղապահների անվտանգությունն ապահովելու և հնարավոր միջադեպերը կանխելու համար պահպանվում է շարունակական փոխգործակցությունը Ադրբեջանի և Հայաստանի զինված ուժերի գլխավոր շտաբերի հետ:
