30.06.2026 | 16:15
Կրեմլը խոստովանել է, որ ՌԴ-ն բանակցություններ է վարում նավթամթերքի ներմուծման հարցով
«Մահճակալների թիվը սուղ է, հոսպիտալացման թիվն ավելացել է»․ ԱՆ ՀՎԿԱԿ վարչության պետ. ՏԵՍԱՆՅՈՒԹ
11.03.2021 | 13:37
Հայաստանում կորոնավիրուսային նոր դեպքերի ավելացման արդյունքում հիվանդանոցները ներկայում աշխատում են գերծանրաբեռնված ռեժիմով: Այս մասին հայտնեց ԱՆ հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը:
Աբովյանը հիշեցրեց, որ կորոնավիրուսի դեմ պայքարին արդեն միացել է Սուրբ Աստվածամայր բժշկական կենտրոնը:
«Մահճակալների թիվը բավականին սուղ է, քանի որ հոսպիտալացման թիվն է ավելացել նաև: Հիվանդանոցներն աշխատում են գերծանրաբեռնված ռեժիմով: Նախորդ օրվա ցուցանիշը բավականին բարձր է եղել, մեկ օրվա ընթացքում գրանցվել է ավելի քան 700 նոր դեպք: Սա խիստ մտահոգիչ է: Եթե այսպես շարունակվի, կարող ենք ունենալ այն իրավիճակը, ինչ ունեինք հոկտեմբերին»,- նշեց Աբովյանը:
