03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Իրանն է ղեկավարել Նյու Դելիում Իսրայելի դեսպանատան մոտ գրանցված պայթյունը․ The Hindustan Times
Քաղաքականություն
08.03.2021 | 11:40
Իսլամական հեղափոխության պահապանների կորպուսը (Իրանի զինված ուժերի էլիտար ստորաբաժանումներ) կանգնած է եղել հունվարին Նյու Դելիում Իսրայելի դեսպանատան մոտ գրանցված պայթյունի հետևում: Նման եզրակացության է եկել Հնդկաստանի հակաահաբեկչական գործակալությունը, հայտնում է The Hindustan Times- ը ՝ վկայակոչելով սեփական աղբյուրներին:
Ինչպես նշում են փորձագետները, ենթադրաբար, Իրանն է նախապատրաստել ահաբեկչությունը, իսկ ծրագիրն իրականացրել են տեղի շիական միավորումների ներկայացուցիչները:
«Այն փաստը, որ ռումբը ոչ մեծ հզորության է եղել, որ մարդկային զոհեր չեն ծրագրվել, ամենայն հավանականությամբ, պայմանավորված է եղել իրանցիների՝ բարեկամական Հնդկաստանի հետ հարաբերությունները չփչացնելքւ մտադրության հետ»,- հրատարակչությունը մեջբերում է ահաբեկչության հակազդման ոլորտում հնդիկ փորձագետների խոսքը։
Ինչպես նշում է թերթը, միջադեպի վայրում հայտնաբերվել է Հնդկաստանում Իսրայելի դեսպանին ուղղված նամակը։ Դրանում նամակի հեղինակը դիվանագետին ահաբեկիչ է անվանել։ Փորձաքննությունը ցույց է տվել, որ նամակը իրանցի է գրել։
Իսրայելի դիվանագիտական ներկայացուցչության մոտ պայթյունը որոտացել էր Նյու Դելիի կենտրոնում՝ հունվարի 29-ին։ Տուժածներ չկան։
Տաթև Ֆռանգյան
