18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Փաշինյան-Մարուքյան հանդիպման արդյունքը.Լուրեր
Քաղաքականություն
04.03.2021 | 18:03
Քաղաքական ճգնաժամը լուծելու հարցով կառավարությունում այսօր հանդիպել են վարչապետ Նիկոլ Փաշինյանը և ԱԺ ԼՀԿ խմբակցության ղեկավար Էդմոն Մարուքյանը։ Կողմերը համաձայնության չեն եկել, սակայն շարունակելու են բանակցությունները և մտադիր են հանդիպել նաև ԲՀԿ ներկայացուցչի հետ։
—
ԱԺ «Իմ քայլը» խմբակցության ղեկավար Լիլիթ Մակունցը տեղեկացրել է, որ վարչապետը հանդիպելու է ԲՀԿ ղեկավար Գագիկ Ծառուկյանի հետ։ Մակունցը նշել է, որ Ծառուկյանին հրավեր է ուղարկվել։
—
ԱԺ «Իմ քայլը» խմբակցությունը հրաժարվել է մասնակցել Վճռաբեկ դատարանի դատավորի թեկնածուների քվեարկությանը, քանի որ նրանց թեկնածությունները խորհրդարանում ներկայացրել է ԲԴԽ նախագահ Ռուբեն Վարդազարյանը։ Խմբակցության ղեկավար Լիլիթ Մակունցը ասել է, որ այդ քայլը դիրքորոշում է ոչ թե այդ թեկնածուների, այլ Վարդազարյանի նկատմամբ։
Դատավորների նշանակման վերաբերյալ խորհրդարանում փակ քվեարկությանը մասնակցել է 36 պատգամավոր, թեկնածուներից որևէ մեկը չի ստացել բավարար ձայները, դատավորները չեն նշանակվել։
