18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ազգային ժողովը չընտրեց Վճռաբեկ դատարանի դատավոր․ քվեարկությանը մասնակցել է 36 պատգամավոր. ՏԵՍԱՆՅՈՒԹ
Քաղաքականություն
04.03.2021 | 15:59
ԱԺ հաշվիչ հանձնախմբի ղեկավար Վահագն Հովակիմյանը ներկայացրեց Վճռաբեկ դատարանի դատավորի ընտրության արդյունքները: Ըստ այդմ՝ քվեարկությանը մասնակցել են 132 պատգամավորներից 36-ը: 8 քվեաթերթիկ ճանաչվել է անվավեր, Արմեն Հայկյանցի օգտին քվեարկել է 13 պատգամավոր, Արսեն Մկրտչյանի օգտին՝ 15: Ըստ այդմ, Վճռաբեկ դատարանի դատավորներ չեն ընտրվել, քանի որ ընտրվելու համար անհրաժեշտ էր պատգամավորների ընդհանուր թվի 3/5-րդի կողմ ձայն:
Հիշեցնենք՝ ԱԺ «Իմ քայլը» խմբակցությունը չի մասնակցել Վճռաբեկ դատարանի դատավորների ընտրությանը: Խմբակցության ղեկավար Լիլիթ Մակունցը հայտարարել է, որ «Իմ քայլը» խմբակցությունն այդպես իր վերաբերմունքն է արտահայտել ոչ թե դատավորի թեկնածուների, այլ նրանց առաջադրած ԲԴԽ նախագահ Ռուբեն Վարդազարյանի նկատմամբ:
