07.10.2026 | 23:48
Արթուր Դանիելյանը կալանավորվեց
Տիրան Խաչատրյանը դատարան է դիմել, Վազգեն Մանուկյանին մեղադրանք է առաջադրվել.Լուրեր
Քաղաքականություն
04.03.2021 | 15:17
ՀՀ Զինված ուժերի գլխավոր շտաբի պետի առաջին տեղակալի պաշտոնից ազատված Տիրան Խաչատրյանը դիմել է վարչական դատարան՝ պահանջելով անվավեր ճանաչել ՀՀ նախագահի հրամանագիրը՝ իրեն պաշտոնից ազատելու վերաբերյալ: Գործով որպես երրորդ կողմ ներգրավված են վարչապետի աշխատակազմն ու Զինված ուժերի գլխավոր շտաբը:
—
Քննչական կոմիտեից հայտնում են, որ հանրահավաքների ժամանակ Վազգեն Մանուկյանի կողմից՝ իշխանությունը զավթելու, սահմանադրական կարգը բռնի տապալելու, բռնություն գործադրելու հրապարակային կոչեր կատարելու առերևույթ դեպքերի քրեական գործով Մանուկյանին մեղադրանք է առաջադրվել՝ ՀՀ քրեական օրենսգրքի 301-րդ հոդվածով, և որպես խափանման միջոց է կիրառվել ստորագրություն՝ չհեռանալու մասին: Հիշեցնենք, որ Մանուկյանը մեղադրանքը չի ընդունում, և գործը համարում է քաղաքական հետապնդում։
—
ՀՀ երկրորդ նախագահ Ռոբերտ Քոչարյանը ռուսական ԶԼՄ-ներին տված ասուլիսում ասել է, որ կան հիմքեր ենթադրելու, որ Լեռնային Ղարաբաղում պարտությունը ծրագրված է եղել ՀՀ իշխանությունների կողմից։ Քոչարյանը նաև խոսել է ներքաղաքական իրավիճակի մասին ու նշել է, որ չի պատրաստվում կուսակցություն ստեղծել, թեև չի էլ բացառում դա։ Ըստ Քոչարյանի՝ հավանական ընտրությունների ժամանակ հավանաբար իր հետ կհամագործակցեն այլ կուսակցություններ։
