08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
Կան հիմքեր ենթադրելու, որ Լեռնային Ղարաբաղում պարտությունը ծրագրված է եղել․ Քոչարյան
Քաղաքականություն
04.03.2021 | 12:16
Կան հիմքեր ենթադրելու, որ Լեռնային Ղարաբաղում պարտությունը ծրագրված է եղել ՀՀ իշխանությունների կողմից։ Այս մասին հայտարարել է ՀՀ նախկին նախագահ Ռոբերտ Քոչարյանը ռուսական ԶԼՄ-ներին տված հարցազրույցի ժամանակ, գրում է Sputnik-ը։
Նրա խոսքով՝ այս հարցը մեկ անգամ չէ որ բարձրացվել է ինչպես պատերազմի ընթացքում, այնպես էլ դրանից հետո՝ երկու գեներալ գնդապետների, երրրորդ նախագահի ու շատ այլ մարդկանց կողմից։ Սակայն ոչ մի անգամ ոչ մի հարցին հասկանալի բացատրություն չի տրվել։
«Օրինակ` ինչո՞ւ պատերազմի 3-րդ օրը կանգնեցվեց համատարած զորահավաքը, որը Զինված ուժերի համալրում էր ենթադրում։ Ինչո՞ւ վարչապետը հոկտեմբերի 19-ին չընդունեց Վլադիմիր Պուտինի առաջարկը, երբ պատերազմի 4-րդ օրն իսկ գիտեր, որ պարտվելու ենք պատերազմում (ինչպես զեկուցել էին Գլխավոր շտաբից)»,- հայտարարել է Քոչարյանը։
Նա նշել է, որ սրանք հանցագործության մասին հաղորդումներ են, որոնցով պետք է զբաղվեն քննչական մարմինները։
«Լուրջ հիմքեր կան ենթադրելու, որ այդ պարտությունը ծրագրված էր»,- նշել է Քոչարյանը:
