01.04.2026 | 19:48
Փաշինյանը՝ Պուտինին․ «ՌԴ անձնագրով քաղաքացիները չեն կարող լինել վարչապետի թեկնածու». ՏԵՍԱՆՅՈՒԹ
Դիմակների կրումը կխստացվի, վարակման դեպքերի թիվն աճում է. Լուրեր
Քաղաքականություն
04.03.2021 | 12:05
Արցախի արտաքին քաղաքական օրակարգը խաղաղությունն է և երկրի անկախության միջազգային ճանաչումը: Այս մասին հայտարարել է Արցախի նախագահ Արայիկ Հարությունյանը Արցախի տարածքային կառավարման և ենթակառուցվածքների նախարարության աշխատակիցների հետ հանդիպմանը։
—
Մինչև մարտի 8-ն Օնիկ Գասպարյանը մնալու է ԳՇ պետի պաշտոնում։ Երեկոյան Ազգային ժողովի դիմաց ակցիայի ժամանակ ասել է Հայրենիքի փրկության շարժում նախաձեռնության վարչապետի թեկնածու Վաղգեն Մանուկյանը։
Նա այսօր ժամը 11-ին հրավիրվել է քննչական կոմիտե, որտեղ նրան նախատեսում են որպես մեղադրյալ ներգրավել իշխանության զավթման կոչերի վերաբերյալ քրեական գործով։ Մինչ հարցաքննության մտնելը Մանուկյանը լրագրողներին ասել է, որ սա քաղաքական հետապնդում է, ինքը չի ընդունում առաջադրված մեղադրանքը, ոչ մի ցուցմունք չի տալու։
—
Մեկ օրում կորոնավիրուսի 7 վարակակիր է մահացել Հայաստանում։ Նրանցից 6-ի մահվան պատճառը հենց վիրուսն է եղել։ Հայտնաբերվել է վարակման 491 նոր դեպք: Սա մեկ օրում վարակման դեպքերի ամենաբարձր թիվն է այս տարվա սկզբից։
Կառավարության նիստի ժամանակ առողջապահության նախարար Անահիտ Ավանեսյանը ասել է, որ վերջին օրերին վարակման թվերը աճում են և ավելի կաճեն մարտի 8-ին շարժի ակտիվացման պատճառով։ Նախարարը նշել է, որ պետք է վերադառնալ դիմակները խիստ կրելուն։
