17.04.2026 | 23:38
Ավտոերթով պայմանավորված՝ երթևեկությունը որոշ հատվածներում ժամանակավորապես կսահմանափակվի. ՆԳՆ
Պետք է վերադառնանք դիմակների խիստ կիրառմանը. Անահիտ Ավանեսյան. ՏԵՍԱՆՅՈՒԹ
04.03.2021 | 11:11
Վերջին օրերին մենք կորոնավիրուսի թվերի որոշակի աճ ունենք, ինչն անհանգստացնող է: Կառավարության այսօրվա նիստի մեկնարկին նշեց վարչապետ Նիկոլ Փաշինյանը:
Առողջապահության նախարար Անահիտ Ավանեսյանը զեկուցեց, որ վերջին օրերին գրանցվել է հիվանդացության աճ. «Երեկ 2922 հետազոտությունից 491 դրական դեպք է գրանցվել, ինչը հետազոտվածների 16 տոկոսն է: Եթե հունվար-փետրվարին մենք ունեինք հետազոտվածների մեջ 5-7 տոկոսի դրական դեպքեր, ապա, ինչպես տեսնում ենք՝ մենք արդեն 16 տոկոս ունենք, իսկ հաջորդ շաբաթ, մեր կանխատեսումներով, այս թիվը կավելանա:
Ի՞նչ պետք է անենք: Պետք է վերադառնանք դիմակների և այլ կանխարգելիչ միջոցառումների խիստ պահպանմանը: Եթե ուզում ենք պահպանել մեր հարազատներին, պաշտպանել մեզ նոր սահմանափակումների կիրառումից, ապա պետք է ամեն բան անենք մեր կողմից, որկանխենք հիվանդության տարածումը»,- նշեց Ավանեսյանը՝ հավելելով, որ մարտի 8-ի հետ կապված շարժը առևտրի կենտրոններում, հյուրանոցներում ավելանալու է, և հորդորեց հստակ հսկողություն իրականացնել հյուրատներում, առևտրի կենտրոններում, տրանսպորտում, որ կանխարգելիչ միջոցառումները պահպանվեն:
Նախարարը հավելեց, որ այսօր արդեն իսկ վերսկսում են երկու հիվանդանոցի ծավալման աշխատանքները. «Ներկայումս կա 865 մահճակալ, որից զբաղված են 808-ը: Հընթացս՝ մահճակալների թիվը կավելանա»:
Մանրամասները՝ տեսանյութում:
