30.06.2026 | 18:44
Թուրքիան գնահատում է SAMP-T և Patriot համակարգերի ձեռքբերման հնարավորությունը՝ իր հակաօդային պաշտպանությունն ամրապնդելու համար
Փաշինյանի զանգը Մարուքյանին.ԱԺ-ում փակ քննարկում գերիների հարցով. Լուրեր
Քաղաքականություն
02.03.2021 | 15:21
Վարչապետ Նիկոլ Փաշինյանը զանգել է ԼՀԿ ղեկավար Էդմոն Մարուքյանին և հրավիրել է քննարկելու ներքաղաքական իրավիճակը և դրանցի դուրս գալու առաջարկները։ Այս մասին ասել է ինքը՝ Մարուքյանը, նշելով, որ հանդիպումը հավանաբար կլինի վաղը։ Մինչ այդ ԱԺ փոխնախագահը չի բացառել, որ կարող է հանդիպում լինել նաև ԲՀԿ ղեկավար Գագիկ Ծառուկյանի հետ։
—
ՀՀ ազգային ժողովը փակ նիստում քննարկում է Ադրբեջանի վերահսկողության ներքո գտնվող ռազմագերիների և գերեվարված քաղաքացիական անձանց, այդ թվում՝ կանանց հայրենադարձումը խոչընդոտելու և անհարկի ձգձգելու Ադրբեջանի քաղաքականությունը դատապարտելու վերաբերյալ խորհրդարանի հայտարարության նախագիծը:
—
Խորհրդարանի այսօրվա նիստի մեկնարկին ընդդիմադիր ԼՀԿ և ԲՀԿ խմբակցության պատգամավորները ԱԺ նախագահ Արարատ Միրզոյանին մեղադրել են, որ վերջինս չի ներկայացել ԱԺ խորհրդի նիստին, որ հրավիրել էին ընդդիմադիրները։ Էդմոն Մարուքյանը ասել է, որ Միրզոյանը պետք է կա՛մ ներողություն խնդրի իրենցից, կամ հրաժարական տա։
Անի Սամսոնյանի խոսքին, որ Միրզոյանը արհամարհել է իրենց, վերջինս պատասխանել է, որ ընդհանրապես այդպիսի վարքագիծ ջանում է չդրսևորել։ Բայց եթե իր պահվածքում այդպիսի նշաններ են զգացել, ներողություն է խնդրում։
