01.11.2026 | 18:03
Փոթորիկներն իրական են, բայց իրական է նաև մեր ընտրությունը. Միրզոյանի ելույթը Մանամայում
Փաշինյանը՝ պատերազմի մասին ճշմարտությունը մինչև վերջ բացահայտելու և արտահերթի շուրջ. Լուրեր
Քաղաքականություն
10.02.2021 | 23:09
Վարչապետ Նիկոլ Փաշինյանը այսօր խորհրդարանում խոսել է արտահերթ խորհրդարանական ընտրությունների շուրջ քննարկումների մասին։ Փաշինյանն ասել է, որ իրենք արտահերթ անցկացնելու առաջարկ են արել ու ստացել են մերժում։ Հետևաբար իրենք շարունակում են իրականացնել իրենց ճանապարհային քարտեզով նախատեսված գործողությունները։ Իսկ դրա իրացումից հետո, ըստ Փաշինյանի, կմտածեն նաև ընտրություններ անցկացնելու մասին։
—
Պատերազմի մասին ճշմարտությունը պետք է մինչև վերջին դետալը պարզվի։ Այսպես է վարչապետ Նիկոլ Փաշինյանը խորհդարանում պատասխանել ԼՀԿ ղեկավար Էդմոն Մարուքյանի հարցին, որ վերաբերում էր տեղի ունեցածի բացահայտմանը։ Մարուքյանը առաջարկում է փաստահավաք խումբ ստեղծել, իսկ Փաշինյանը պնդում է, որ ընդունելի տարբերակ է ԱԺ քննիչ հանձնաժողովի ձևավորումը։
—
Դեկտեմբերից մինչև օրս շփման գծում ոչ մի սպանության դեպք չի եղել, միայն մեկ վիրավորում է արձանագրվել Շուշիում։ Այս մասին խորհրդարանում հայտարարել է ՊՆ Վաղարշակ Հարությունյանը։ Նա նշել է, որ օրական մոտ 5 փամփուշտ կրակելու դեպքեր եղել են, բայց ոչ հայկական դիրքերի ուղղությամբ։ Եթե կրակոցներ լինում են Արցախում, ապա դրանց մասին հայկական կողմը հայտնում է խաղաղապահներին։
—
Ադրբեջանի հետ կա ևս մեկ պայմանավորվածություն՝ Դավիթ Բեկ-Գորիս ճանապարհահատվածի մասով։ Այս մասին այսօր խորհրդարանում ասել է փոխվարչապետ Տիգրան Ավինյանը։ Նա գաղտնիության հղումով հրաժարվել է այլ դետալներ բացահայտել։
—
