26.03.2026 | 22:03
Արցախի տարածքում ականի պայթյուն է տեղի ունեցել․ վիրավոր կա
Խոսքը հազարավոր զոհերի մասին է, չե՞ք ուզում քննել, ներկայացնել ճշմարտությունը․Մարուքյանը՝ Փաշինյանին. ՏԵՍԱՆՅՈՒԹ
Քաղաքականություն
10.02.2021 | 16:56
Պատերազմի ավարտից հետո երեք ամիս է՝ մենք առաջարկում ենք փաստահավաք խումբ ստեղծել և քննել նախապատերազմյան շրջանը, պատերազմի կառավարման ընթացքը, քննել բանակցությունների ընթացքը և համապատասխան զեկույցով հանդես գալ ժողովրդի առջև։ Խոսքը հազարավոր զոհերի մասին է, հազարավոր տարածքների կորստի մասին է, չե՞ք ուզում քննել, ներկայացնել ճշմարտությունը։ ԱԺ-Կառավարություն հարցուպատասխանի ժամին ԱԺ «Լուսավոր Հայաստան» խմբակցության ղեկավար Էդմոն Մարուքյանն այս հարցն ուղղեց ՀՀ վարչապետ Նիկոլ Փաշինյանին։
Ի պատասխան՝ Փաշինյանը նշեց, որ այդ թեմայի վերաբերյալ քննարկմանը հրավիրվել է Մարուքյանը, սակայն չի ներկայացել: Նա նաև տեղեկացրեց՝ այս պահին պատերազմին առնչվող հազարից ավելի քրեական գործ կա հարուցված:
«Քննության քաղաքական մեխանիզմը հստակ դրված է գործող օրենսդրության մեջ, և այդ մեխանիզմը ԱԺ քննիչ հանձնաժողովն է, որը կարող է ձևավորվել օրենսդրության համապատասխան կարգավորումների համաձայն: Կարծում եմ՝ պատերազմի մասին ճշմարտությունը բավականաչափ քննարկվել է, և համաձայն եմ՝ մինչև վերջին դետալը պետք է ուսումնասիրվի»,- նշեց վարչապետը:
Մանրամասները՝ տեսանյութում:
