01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Ինչպես է ռուս-թուրքական համատեղ կենտրոնի անձնակազմն իրականացնում իրավիճակի վերահսկում․ ՏԵՍԱՆՅՈՒԹ
Քաղաքականություն
04.02.2021 | 11:11
Համատեղ ռուս-թուրքական կենտրոնի անձնակազմը շարունակում է իրականացնել հրադադարի պահպանման ու ռազմական գործողությունների դադարեցման ռեժիմի վերահսկողությունը ղարաբաղյան հակամարտության գոտում։ Այս մասին հայտնում են ՌԴ ՊՆ-ից։
Տեղեկացվում է, որ ռուս զինծառայողների կողմից իրականացվում է հրադադարի պահպանման ռեժիմի վերահսկողությունը՝ օգտագործելով «Ֆորպոստ» և «Օռլան-10» ԱԹՍ-ները։
Համատեղ կենտրոնի զինծառայողներն ԱԹՍ-ներից անդադար լուսանկարներ են ստանում կառավարման կետում, որտեղ վերլուծվում են ողջ ռազմատեխնիկայի, անձնակազմի տեղաշարժը, ինչպես նաև ֆիքսվում է կողմերի կողմից շփման գծի հատման փաստերը։
Միասնական կենտրոնի հերթապահ հերթափոխը հավաքում, ամփոփում և ստուգում է ձեռք բերված պայմանավորվածությունների խախտումների վերաբերյալ տեղեկատվությունը, քննարկում ցանկացած բողոք ` կապված ԼՂ հակամարտության կողմերի միջև ձեռք բերված պայմանավորվածությունները չկատարելու հետ։
Հիշեցնենք՝ ռուս-թուրքական համատեղ կենտրոնը տեղակայված է Ադրբեջանի Հանրապետւթյան տարածքում։
Տաթև Ֆռանգյան
