09.06.2026 | 20:30
Ով էր վստահ, որ հաղթելու է․ սպասելիքներ և իրականություն․ ԵզրաԿԱՑՈՒԹՅՈՒՆ
ԼՂ-ում չպայթած զինամթերքից մաքրվել է շուրջ 859,3 հեկտար տարածք․ ՌԴ ՊՆ
Քաղաքականություն
02.02.2021 | 12:19
2020 թվականի նոյեմբերի 23-ից ՌԴ խաղաղապահ զորախմբի ինժեներական ստորաբաժանումների կողմից չպայթած զինամթերքից մաքրվել է շուրջ 859,3 հեկտար տարածք, 245,8 կմ ավտոճանապարհ, 962 շենք ու շինություն, այդ թվում նաև 27 սոցիալական նշանակության օբյեկտներ, հայտնաբերվել ու վնասազերծվել է շուրջ 24 հազար պայթյունավտանգ իր։ Այս մասին հայտնում են ՌԴ ՊՆ-ից։
Տեղեկացվում է, որ ականազերծման ու բնակավայրերի ծայրամասերի մաքրման ընթացքում ռուս խաղաղապահների կողմից կիրառվում են ժամանակակից «Ուրան-6» ռոբոտատեխնիկական համակարգեր, որոնք թույլ են տալիս ապահովել զինվորականների անվտանգությունը պայթյունավտանգ աշխատանքների ընթացքում և ապահովում են ցանկացած եղանակային պայմաններում տեղանքի մաքրման բարձր տեմպը։
Հայտնաբերված պայթյունավտանգ առարկաներն ու չպայթած զինամթերքը տարհանվում ու ոչնչացվում են հատուկ կահավորված հրաձգարաններում։ Զինամթերքները, որոնք հնարավոր չէ տարհանել, ոչնչացվում են տեղում՝ պահպանելով անվտանգության բոլոր կանոնները։
Տաթև Ֆռանգյան
