19.08.2026 | 11:11
Երթևեկության կազմակերպման փոփոխություն՝ Թբիլիսյան խճուղուց դեպի Շրջանցիկ թունել տանող ճանապարհահատվածում
Ջալալ Հարությունյանը հարցաքննվել է, նրա նկատմամբ մահափորձ կատարելու հատկանիշներով քրգործ է հարուցվել
Հասարակություն
30.01.2021 | 14:35
Արցախի Պաշտպանության բանակի նախկին հրամանատար Ջալալ Հարությունյանը հարցաքննվել է, նրա նկատմամբ մահափորձ կատարելու հատկանիշներով քրգործ է հարուցվել: Այս մասին Factor.am-ի հետ զրույցում ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
«Ջալալ Հարությունյանը հարցաքննվել է: Հարուցվել է քրեական գործ թիվ 1 կայազորում` ՀՀ ՔՕ -ի 34-104-րդ հոդվածի 2-րդ մասի 1-ին, 6-րդ և 13-րդ կետերով (սպանության փորձ երկու և ավելի անձանց նկատմամբ) և 185-րդ հոդվածի 3-րդ մասի 1-ին կետով (գույքը դիտավորությամբ ոչնչացնելը)»,- ասաց Արևիկ Խաչատրյանը՝ նշելով, որ նախաքննությունը շարունակվում է:
Հիշեցնենք, որ Ջալալ Հարությունյանը վիրավորվել էր արցախյան վերջին պատերազմում։ Նա հոկտեմբերի 27-ին ազատվել էր Արցախի Հանրապետության պաշտպանության նախարարի պաշտոնից։
Արցախի Հանրապետության նախագահ Արայիկ Հարությունյանը Հայրենիքի պաշտպանության ու անվտանգության ապահովման գործում Արցախի Հանրապետությանը մատուցած բացառիկ ծառայությունների, ցուցաբերած քաջության ու անձնական արիության համար գեներալ-լեյտենանտ Ջալալ Հարությունյանին շնորհել է «Արցախի հերոս» բարձրագույն կոչում:
