19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Մեկնարկել են Մարտակերտ քաղաքի շրջակայքի ականազերծման աշխատաքները․ ՌԴ ՊՆ
Քաղաքականություն
18.01.2021 | 11:33
Ռուսաստանի ՊՆ ականազերծման գործողությունների միջազգային կենտրոնի մասնագետները շարունակում են Լեռնային Ղարաբաղի տարածքի ականազերծման ուղղությամբ աշխատանքները: Մեկնարկել են Մարտակերտ քաղաքի շրջակայքի ականազերծման աշխատաքները։ Այս մասին հայտնում են ՌԴ ՊՆ-ից։
Մարտակերտ քաղաքի մերձակայքի ականազերծման ու մաքրման աշխատանքների ընթացքում ռուս խաղաղապահները կիրառում են ժամանակակից «Ուրան-6» ռոբոտատեխնիկական համակարգեր և ականներ հայտնաբերող շներ, ինչը թույլ է տալիս ապահովել զինծառայողների անվտանգությունը պայթեցման աշխատանքներ կատարելիս և պահպանել տարածքի մաքրման բարձր տեմպը բոլոր եղանակային պայմաններում:
2020 թվականի նոյեմբերի 23-ից ՌԴ խաղաղապահ զորախմբի ինժեներական ստորաբաժանումների կողմից ականազերծվել է 551 հա տարածք, 205,3 կմ ճանապարհ, 783 շենք-շինություն, այդ թվում նաև 25 սոցիալական նշանակության օբյեկտներ, հայտնաբերվել ու ականազերծվել է ավելի քան 23,7 հազար պայթյունավտանգ առարկա։
Տաթև Ֆռանգյան
