27.08.2026 | 22:15
ՀՀ պաշտոնյաները կգործուղվեն ԱՄՆ՝ TRIPP նախագծի շուրջ բանակցությունների համար
Իլհամ Ալիևը ժամանել է Մոսկվա
Քաղաքականություն
11.01.2021 | 13:40
Ադրբեջանի նախագահ Իլհամ Ալիևը ժամանել է Մոսկվա, որտեղ տեղի կունենան Լեռնային Ղարաբաղի հարցով եռակողմ բանակցություններ Ռուսաստանի Դաշնության Նախագահ Վլադիմիր Պուտինի և ՀՀ վարչապետ Նիկոլ Փաշինյանի հետ: Այդ մասին ՏԱՍՍ-ին հայտնել է Մոսկվայում Ադրբեջանի դեսպան Փոլադ Բյուլբյուլօղլին:
«Ադրբեջանի նախագահը ժամանել է Մոսկվա, նրան դիմավորել են Ռուսաստանի փոխարտգործնախարար Անդրեյ Ռուդենկոն, Ռուսաստանի արտգործնախարարության և Մոսկվայում հանրապետության դեսպանության ներկայացուցիչները: Այս պահին Ալիևի ավտոշարասյունը շարժվում է դեպի Կրեմլ», – ասել է նա:
Հիշեցնենք՝ ավելի վաղ ՀՀ վարչապետ Նիկոլ Փաշինյանի մամուլի խոսնակ Մանե Գևորգյանն հայտնել էր, որ Նիկոլ Փաշինյանը աշխատանքային այցով ժամանել է Մոսկվա։
ՌԴ ղեկավարի նախաձեռնությամբ երկուշաբթի օրը Մոսկվայում տեղի կունենա Պուտինի, Ալիեւի եւ Փաշինյանի միջև եռակողմ բանակցությունները: Ըստ Կրեմլի մամուլի ծառայության՝ կողմերը նախատեսում են քննարկել Լեռնային Ղարաբաղի շուրջ երեք երկրների ղեկավարների միջև 2020 թվականի նոյեմբերի 9-ի հայտարարության կատարումը և քննարկել տարածաշրջանային խնդիրների լուծման հետագա քայլերը:
Տաթև Ֆռանգյան
