19.01.2026 | 19:27
Փաշինյանը ցավակցական հեռագիր է հղել Իսպանիայի վարչապետին
Ալիևը դարձյալ սպառնում է․ ՀՀ պաշտոնյաների՝ Արցախ այցերը շարունակելու դեպքում «պատասխան քայլեր կլինեն»
Քաղաքականություն
07.01.2021 | 15:03
Ադրբեջանի նախագահը դարձյալ սպառնում է Հայաստանին։ Ալիևն անդրադարձել է ՀՀ ԱԳ նախարար Արա Այվազյանի՝ Արցախ կատարած այցին՝ հայտարարելով, թե «Հայաստանին դաժան պատասխան քայլեր են սպասվում, եթե ՀՀ պաշտոնատար անձինք շարունակեն այցելել Լեռնային Ղարաբաղ»։
«Ինձ հաղորդեցին, որ Հայաստանի ԱԳ նախարար Արա Այվազյանն այցելել է Ստեփանակերտ։ Այնտեղ ի՞նչ ես անում։ Թող Հայաստանը չմոռանա պատերազմը։ Այդ այցերին պիտի վերջ տրվի։ Զգուշացնում ենք, որ եթե նորից իրականացվեն այդպիսի սադրիչ քայլեր, Հայաստանն ավելի շատ կզղջա դրա համար»,- հայտարարել է Ալիևը։
Նա ասել է, թե Լեռնային Ղարաբաղ ցանկացած այց, այդ թվում՝ միջազգային կազմակերպությունների ներկայացուցիչների, «պիտի իրականացվի միայն Ադրբեջանի թույլտվությամբ»՝ բացառությամբ Կարմիր Խաչի ներկայացուցիչների այցերի։
Էմմա Չոբանյան
