09.02.2026 | 10:02
Արտարժույթների փոխարժեքները՝ փետրվարի 9-ի դրությամբ
Ռուս խաղաղապահները ԼՂ-ում անվտանգության երաշխիք են դարձել․ Պուտին
Քաղաքականություն
21.12.2020 | 16:17
Ռուս խաղաղապահները դարձել են Լեռնային Ղարաբաղում անվտանգության երաշխիք, նրանք վտանգում են իրենց կյանքը՝ այդ տարածաշրջան խաղաղ բնակչության վերադարձի համար, հայտարարել է ՌԴ նախագահ Վլադիմիր Պուտինը, փոխանցում է ՌԻԱ նովոստին։
«Նոյեմբերի 10-ից ռուս խաղաղապահները սկսել են իրականացնել Լեռնային Ղարաբաղում չափազանց բարդ առաքելություն։ Նրանց ներկայությունը դարձել է ռազմական գործողությունների դադարեցման մասին համաձայնագրերի կատարման երաշխիք»,- ասել է Պուտինը ՌԴ ՊՆ կոլեգիայի ընդլայնված նիստում:
Նա պարզաբանել է, որ ռուս խաղաղապահները շատ բան են անում՝ մարդասիրական իրավիճակը բարելավելու և փախստականներին օգնելու, տարածքներն ականներից մաքրելու, սոցիալական ենթակառուցվածքները վերականգնելու, մշակութային, պատմական և կրոնական հուշարձանները պահպանելու համար:
Պուտինը նաև հայտարարել է, որ քաջաբար ու մեծ պատասխանատվությամբ են գործում ռուս զինվորականները նաև Սիրիայում։
Տաթև Ֆռանգյան
