20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ադրբեջանցի զինվորը հաստատել է պակիստանցի զինյալների մասնակցությունը ԼՂ պատերազմում
Քաղաքականություն
10.12.2020 | 18:57
Ադրբեջանի Հանրային հեռուստատեսության եթերում ադրբեջանցի զինվորականը հաստատել է պակիստանցի զինյալների մասնակցությունը Լեռնային Ղարաբաղի պատերազմում, հայտնում է OC Media-ն։
Հաղորդավարները, սակայն, թույլ չեն տվել, որ երիտասարդ զինվորականն ավարտի խոսքը։
«Ես նաև կցանկանայի նշել, որ Պակիստանից մեր եղբայրները եկել ու օգնել են մեզ։ Նրանց մի մասը խոսում էր թուրքերեն, նրանք շփվում էին մեզ հետ, նրանց ասում էին․․»,- զինվորի խոսքն այսքանով ընդհատվում է։
Հիշեցնենք՝ ՀՀ իշխանությունները Լեռնային Ղարաբաղի պատերազմի ընթացքում բազմիցս հայտարարում էին օտարերկրյա վարձու զինյալների՝ մարտական գործողություններին մասնակցելու մասին։ Բացի այդ՝ ՌԴ Արտաքին հետախուզական ծառայության (ԱՀԾ) տնօրեն Սերգեյ Նարիշկինն էր հայտարարել, որ թուրքական հետախուզությունը ներգրավված է Լեռնային Ղարաբաղի իրադարձություններում: Նա նաև նշել էր, որ ԱՀԾ-ն ստացել է «ճշգրիտ տեղեկություններ» ղարաբաղյան հակամարտությանը Մերձավոր Արևելքից զինյալների մասնակցության վերաբերյալ:
Տաթև Ֆռանգյան
