19.01.2026 | 15:00
Հնդկաստանը Pinaka-ի առաջին խմբաքանակն է արտահանել ՀՀ // 300 թեկնածու՝ ՔՊ ցուցակում ընդգրկվելու համար․ ԼՈՒՐԵՐ
Պեսկովն անդրադարձել է Լեռնային Ղարաբաղի պատկանելության մասին հարցին
Քաղաքականություն
04.12.2020 | 15:45
Լեռնային Ղարաբաղում չկան գլխավորներ, կան երկու հակամարտող կողմեր և Ռուսաստանի, Հայաստանի ու Ադրբեջանի ղեկավարների միջև ձեռքբերված համաձայնություն։ Ռուսական կողմն իր գործողությունները համակարգում է երկու կողմի հետ, հայտարարել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։
«Չկա գլխավոր։ Կան երկու հակամարտող կողմեր՝ Հայաստանն ու Ադրբեջանը։ Դրանք այն կողմերն են, որոնք ռուսական կողմի հետ ստորագրել են արդեն հայտնի՝ Պուտինի, Ալիևի ու Փաշինյանի հայտարարությունը։ Դրա իրագործման համար ռուս զինվորականները, ինչպես նաև ռուսական մարդասիրական առաքելությունը համակարգում են իրենց գործողությունները թե՛ ադրբեջանցիների, թե՛ հայերի հետ»,- ասել է Դմիտրի Պեսկովը՝ խոսելով այն մասին, թե ում հետ են ռուս խաղաղապահները համակարգում իրենց գործողություններն ու ով է այժմ ԼՂ-ում «գլխավորը»։
Խոսելով Լեռնային Ղարաբաղի պատկանելության մասին՝ Պեսկովը նշել է, որ այդ հարցը վաղուց որոշված է ՄԱԿ-ի Անվտանգության խորհրդի հատուկ բանաձևով, գրում է ՏԱՍՍ-ը։
Կրեմլի խոսնակը նշել է, որ կողմերից և «ոչ մեկը չի չեղարկել այդ մոտեցումը»։ Պեսկովը հիշեցրել է Պուտինի խոսքերն այն մասին, որ «Ղարաբաղը չի ճանաչվել անգամ Հայաստանի կողմից»:
Տաթև Ֆռանգյան
