28.04.2026 | 19:44
Ինչպես է Փաշինյանի երգը հնչել դպրոցում. տնօրենը մանրամասներ է պատմում
Չավուշօղլուն խոսել է հայ-թուրքական հարաբերությունների վրա ԼՂ շուրջ պայմանավորվածությունների ազդեցության մասին
Քաղաքականություն
03.12.2020 | 17:45
Լեռնային Ղարաբաղի հակամարտության գոտում կրակի դադարեցման մասին համաձայնությունը կարող է դրական անդրադառնալ Թուրքիայի ու Հայաստանի հարաբերությունների վրա։ Այս մասին հայտարարել է Թուրքիայի ԱԳՆ ղեկավար Մևլյութ Չավուշօղլուն, գրում է ՌԻԱ Նովոստին։
«Մենք աջակցում ենք միջազգային իրավունքի սկզբունքով Ղարաբաղում հակամարտությունն ավարտելու բոլոր փորձերը՝ հաշվի առնելով Ադրբեջանի տարածքային ամբողջականության պահպանությունը։ Զինադադարի մասին համաձայնագիրը կարող է դրական անդրադառնալ Թուրքիայի ու Հայաստանի հարաբերությունների վրա»,- ասել է Չավուշօղլուն ԵԱՀԿ ԱԳՆ ղեկավարների խորհրդի ժամանակ, որն ընթանում է տեսակոնֆերանսի ձևաչափով։
Հիշեցնենք՝ Հայաստանի ու Թուրքիայի միջև չկան դիվանագիտական հարաբերությունները, Անկարայի նախաձեռնությամբ սահմանները փակվել են 1993 թվականից։
Տաթև Ֆռանգյան
