01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Թուրքիայի խորհրդարանը դատապարտել է Արցախի մասին Ֆրանսիայի Սենատի բանաձևը
Քաղաքականություն
27.11.2020 | 20:19
Թուրքիայի խորհրդարանը դատապարտել է Ֆրանսիայի Սենատի՝ Արցախի անկախության ճանաչման անհրաժեշտության վերաբերյալ ընդունված բանաձևը։ Դատապարտմամբ հանդես են եկել 4 կուսակցություններ՝ Արդարություն ու զարգացում, Ժողովրդահանրապետական, Ազգայնական ու IYI կուսակցությունները։ Այս մասին գրում է Anadolu-ն։
Հայտարարության մեջ շեշտվում է, որ Թուրքիայի ժողովուրդն ու խորհրդարանը ի գիտություն կընդունեն «թշնամական քայլերը»՝ ինչպես իրենց երկրի, այնպես էլ Ադրբեջանի նկատմամբ։
«Ֆրանսիայի Սենատի բանաձևը որևէ կարևորություն չի ներկայացնում միջազգային իրավունքի տեսակետից։ Ղարաբաղը կա ու կլինի Ադրբեջանի մաս»,- ասվում է հայտարարության մեջ։
Խորհրդարանականները նաև նշել են, որ բանաձևը Թուրքիայի համար անակնկալ չէր՝ հավելելով, թե հաճախ են բախվում «ֆրանսիական կողմնակալ վերաբերմունքին»։
Հիշեցնենք՝ Ֆրանսիայի Սենատն ընդունել է Արցախի անկախությունը ճանաչելու անհրաժեշտության վերաբերյալ բանաձևը՝ ձայների 305 կողմ և 1 դեմ հարաբերակցությամբ:
Էմմա Չոբանյան
