27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Հայաստանը 6 միլիոն դոլար կծախսի կորոնավիրուսի դեմ պատվաստանյութի վրա՝ 300 000 անձի համար․ Արսեն Թորոսյան. ՏԵՍԱՆՅՈՒԹ
27.11.2020 | 18:49
«Հայաստանը 6 միլիոն դոլար կհատկացնի կորոնավիրուսի դեմ պատվաստանյութ ձեռք բերելու նպատակով՝ 300 000 անձի համար»,- Factor TV-ի հետ հարցազրույցում ասաց առողջապահության նախարար Արսեն Թորոսյանը։
Հայաստանը 180 երկրների շարքում համագործակցում է «Կովաքս» պլատֆորմի հետ։ Այստեղ ուսումնասիրում են պատվաստանյութի բոլոր հավանական թեկնածուներին, որոնք կստանան վերջնական գրանցում․ «Հաստատվելուն պես մեր երկիրը կարող է ընտրել այն պատվաստանյութը, որը կուզենա»։ Մեկ դոզայի գինը 10 դոլար է, մեկ անձը պետք է ստանա 2 դոզա։
Ըստ Կրեմլի խոսնակ Պեսկովի՝ Ռուսաստանում կորոնավիրուսի դեմ զանգվածային պատվաստումները կսկսվեն Ամանորից առաջ: Նոյեմբերի 21-ին Ռուսաստանի առողջապահության նախարար Միխայիլ Մուրաշկոն Արսեն Թորոսյանին է փոխանցել ռուսական «Սպուտնիկ V» կորոնավիրուսի պատվաստանյութի նմուշները: Արսեն Թորոսյանը մանրամասնում է, որ նմուշները փորձարկման համար են՝ ինքն էլ է պատվաստվել․ «Որևէ բարդություն չեմ ունեցել։ Վերջնական դոզան չեմ ստացել և վերջնական դոզան ստանալուց հետո կստուգեմ հակամարմիններս և կհասկանամ՝ ինձ մոտ իմունիտետ ձևավորվե՞լ է, թե՝ ոչ»։ Բայց նախարարը չի պատրաստվում խախտել կանոններ՝ անգամ պատվաստվելուց հետո, օրինակ՝ հրաժարվել դիմակներից, հպվել մակերեսների։
Մանրամասները՝ տեսանյութում:
Ռոբերտ Անանյան
