27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Պուտինը ՌԴ ԱԽ անդամների հետ քննարկել է Ղարաբաղում ռուս խաղաղապահների գործունեությունը
Քաղաքականություն
27.11.2020 | 16:21
ՌԴ նախագահ Վադիմիր Պուտինը երկրի Անվտանգության խորհրդի անդամների հետ քննարկել է Լեռնային Ղարաբաղում ստեղծված իրավիճակը, Ղարաբաղում ռուս խաղաղապահների գործունեությունն ու հումանիտար առաքելությունը։ Այս մասին այսօր հայտնել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։
«Զրույց է տեղի ունեցել ռուս խաղաղապահների գործունեության և Ղարաբաղում մարդասիրական առաքելության աշխատանքի մասին։ Այս համատեքստում նախագահը հանդիպման մասնակիցներին տեղեկացրել է Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի հետ ունեցած հեռախոսային զրույցի մասին»,- հավելել է Պեսկովը:
Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել։ Ըստ այդ հայտարարության՝ Լեռնային Ղարաբաղում շփման գծի երկայնքով և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորախումբ, այդ թվում՝ հրաձգային զենքով զինված 1960 զինծառայող, 90 զրահամեքենա, 380 միավոր ավտոմոբիլային և հատուկ տեխնիկա: ՌԴ խաղաղապահների մի մասն արդեն տեղակայվել է Արցախում։
Տաթև Ֆռանգյան
