03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Հայտնի է՝ երբ կարող են COVID-19-ի դեմ պատվաստվել ԵՄ քաղաքացիները
Քաղաքականություն
25.11.2020 | 15:46
Եվրամիության առաջին քաղաքացիները կորոնավիրուսի դեմ կարող են պատվաստվել արդեն այս տարվա դեկտեմբերի վերջին։ Այս մասին Եվրախորհրդարանի լիագումար նիստում ունեցած ելույթում հայտարարել է Եվրահանձնաժողովի ղեկավար Ուրսուլա ֆոն դեր Լյայենը, գրում է ՌԻԱ Նովոստին:
«ԵՄ առաջին քաղաքացիները կարող են պատվաստվել մինչև դեկտեմբերի վերջ, և սա արդեն թունելի վերջում լույս է», – հավելել է նա:
ԵՀ ղեկավարը հիշեցրել է, որ Եվրահանձնաժողովն արդեն վեց պայմանագիր է ապահովել պատվաստանյութերի մշակմամբ զբաղվող ընկերությունների հետ՝ պատվաստանյութը ԵՄ մատակարարելու համար, երբ այն պատրաստ լինի, անցնի անհրաժեշտ ստուգումներն ու ստանա թույլտվություններ:
Նշվում է, որ այս պատվաստանյութերի մի մասը կարող է մատակարարվել նաև երրորդ երկրներ:
Տաթև Ֆռանգյան
