25.11.2024 | 21:45
Սարի հակառակ կողմը. ՏԵՍԱՆՅՈՒԹ
Կալանավորը հացադուլ է հայտարարել՝ բանտախցի պայմանների պատճառով․ ՄԻՊ-ի աջակցությամբ տեղափոխվել է այլ խուց
Հասարակություն
30.05.2017 | 12:54
ՀՀ մարդու իրավունքների պաշտպանին դիմած քաղաքացին տեղեկացրել է, որ քրեակատարողական հիմնարկում գտնվող ամուսինը հացադուլ է հայտարարել՝ կապված կալանքի տակ պահելու վայրում անընդունելի պայմանների հետ: Դիմումատուն խնդրել է այցելել կալանավորված անձին: Այս մասին հայտնում են ՀՀ մարդու իրավունքների պաշտպանի աշխատակազմից։
Բողոք ներկայացնելուց անմիջապես հետո ՀՀ մարդու իրավունքների պաշտպանի ներկայացուցիչներն այցելել են քրեակատարողական հիմնարկ, առանձնազրույց ունեցել կալանավորված անձի հետ: Պարզվել են հացադուլի պատճառները՝ կալանքը որպես խափանման միջոց ընտրելու մասին որոշումը և լարված հարաբերությունները խցակիցների հետ:
Կալանավորված անձը խնդրել է Պաշտպանի աջակցությունը՝ այլ խուց տեղափոխվելու հարցում: Այցից անմիջապես հետո խնդիրը ներկայացվել է քրեակատարողական ծառայությանը: Քրեակատարողական հիմնարկ հերթական այցի ընթացքում պարզվել է, որ կալանավորված անձը տեղափոխվել է այլ խուց:
