18.11.2024 | 17:28
ԵՄ-ն դադարեցնում է Վրաստանի կառավարությանը տրամադրվող ֆինանսական օգնությունը․ Բորել
Մեկ օրում 640 փախստական վերադարձել է Լեռնային Ղարաբաղ․ ՌԴ ՊՆ
Քաղաքականություն
18.11.2020 | 17:47
Վերջին մեկ օրում շուրջ 640 փախստական է վերադարձել Լեռնային Ղարաբաղ։ Ընդհանուր առմամբ, նոյեմբերի 14-ից Հայաստանի տարածքից Արցախ է վերադարձել 1700 բնակիչ։ Այս մասին այսօր հայտնել է ՌԴ ՊՆ ներկայացուցիչ Իգոր Կոնաշենկովը, փոխանցում է ՏԱՍՍ-ը։
«Մեկ օրում Հայաստանի տարածքից Լեռնային Ղարաբաղ է վերադարձել 648 մարդ։ Նոյեմբերի 14-ից, ընդհանուր առմամբ, դեպի Ստեփանակերտ ռուս խաղաղապահների կողմից 1709 փախստականի տեղափոխող 4 շարասյան անվտանգ անցում է ապահովվել»,- հայտարարել է Կոնաշենկովը։
Նա նշել է նաև, որ հրադադարի ռեժիմը պահպանվել է շփման գծի ողջ երկայնքով։ Բացի այդ, ռուս խաղաղապահների ու ԿԽՄԿ համակարգմամբ շարունակվում է զոհված զինծառայողների մարմինների փոխանակումը։
Տաթև Ֆռանգյան
