12.10.2026 | 11:13
Ավինյանը կարգադրեց տուգանել թեթև վթարից հետո 15 րոպեից ավելի ճանապարհը փակող վարորդներին․ ՏԵՍԱՆՅՈՒԹ
ԼՂ կարգավիճակի որոշման համար ժամկետներ չկան․ ՌԴ ԱԳ փոխնախարար
Քաղաքականություն
18.11.2020 | 12:23
Լեռնային Ղարաբաղի կարգավիճակի որոշման հարցը զգայուն թեմա է հակամարտող կողմերի համար, այն որոշելու համար ժամկետներ չկան։ Այս մասին լրագրողների հետ զրույցում ասել է ՌԴ ԱԳ փոխնախարար Անդրեյ Ռուդենկոն, գրում է ՏԱՍՍ-ը։
«Մենք ակնկալում ենք, որ սա չի հանգեցնի նոր բախումների, առավել ևս՝ արյունահեղության: Այնուամենայնիվ, զգալի է մնում ԵԱՀԿ Մինսկի խմբի դեր, որը կլուծի այն խնդիրները, որոնք արտացոլված չեն համաձայնագրում»,- ասել է Ռուդենկոն՝ մեկնաբանելով Ադրբեջանի նախագահ Իլհամ Ալիևի հայտարարությունները, թե Լեռնային Ղարաբաղի հատուկ կարգավիճակի հարցը չի քննարկվելու:
Ռուդենկոն նաև հավելել է, որ Լեռնային Ղարաբաղում ռուսական խաղաղապահ զորախմբի թվի ավելացման հարցը չի քննարկվում:
«Ռուս խաղաղապահների թիվը հստակ սահմանված է երեք ղեկավարների հայտարարության մեջ: Մենք ելնում ենք այնտեղ գրվածից»,- հայտարարել է նա:
Տաթև Ֆռանգյան
