11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ՌԴ Դաշնային խորհուրդը հավանություն է տվել ԼՂ-ում ռուսական զորքի օգտագործմանը․ ՌԻԱ Նովոստի
Քաղաքականություն
18.11.2020 | 11:51
ՌԴ Դաշնային խորհրդի անդամները հավանություն են տվել Լեռնային Ղարաբաղում խաղաղապահ առաքելություն իրականացնելու նպատակով երկրի ռազմական ուժերի օգտագործմանը:
Այս երկրի Սահմանադրությանը համաձայն՝ ռազմական զորախմբի տեղակայման հարցը որոշում է Դաշնային խորհուրդը, սակայն ռուս խաղաղապահներն արդեն իսկ տարածաշրջանում են: Սահմանադրական օրենսդրության հանձնաժողովի նախագահ Անդրեյ Կլիշասը ՌԻԱ Նովոստիին բացատրել է, որ նախագահն իրավունք ուներ, առանց խորհրդարանի վերին պալատի համաձայնության, անհապաղ խաղաղապահ ուժեր ուղարկել Ղարաբաղ, քանի որ այնտեղ ռուսներ էին սպանվել:
Կլիշասը նաև հիշեցրել է, որ այս դեպքում անհրաժեշտ է Դաշնային խորհրդի համաձայնությունը, քանի որ խոսքը գնում է ոչ թե օպերատիվ ռազմական իրավիճակի, այլ մի քանի տարով ծրագրված միջոցառման մասին։
Լեռնային Ղարաբաղում ռուսական զորքերի խաղաղապահ մանդատը նախատեսված է հինգ տարի ժամկետով՝ երկարաձգման հնարավորությամբ:
Տաթև Ֆռանգյան
