Քաղաքականություն
17.11.2020 | 12:53
ՌԴ Պաշտպանության նախարարությունը շարունակում է ռուս խաղաղապահների տեղափոխումը Լեռնային Ղարաբաղի հակամարտության գոտի։ Իլ-76 ու Ան-124 ինքնաթիռները մեկ օրում 22 թռիչք են կատարել դեպի Հայաստան՝ Լեռնային Ղարաբաղ տեղափոխելով խաղաղապահների և 64 միավոր ավտոմեքենաներ ու հատուկ տեխնիկա, հայտնում է ՌԴ Պաշտպանության նախարարությունը։
«Մեկ օրում Ուլյանովսկ-Վոստոչնի օդանավակայանից Ռուսաստանի ռազմատիեզերական ավիացիային պատկանող Իլ-76 ու Ան-124 ռազմատրանսպորտային ինքնաթիռներով իրականացվել է 22 չվերթ։ Հայաստան է հասցվել 64 միավոր ավտոմեքենա ու հատուկ տեխնիկա՝ զրահամեքենաներ, ամենագնաց բեռնատարներ, ավտոցիստեռններ, էքսկավատորներ ու նյութական-տեխնիկական ապահովության այլ միջոցներ»,- ասված է հաղորդագրությունում։
Տաթև Ֆռանգյան
