29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
ՌԴ-ն նախատեսում է ակտիվորեն մասնակցել ԼՂ կարգավորմանը, բայց ոչ հակամարտությանը․ Մարիա Զախարովա
Քաղաքականություն
09.11.2020 | 21:43
Ռուսաստանն ակտիվորեն մասնակցում է Լեռնային Ղարաբաղի հակամարտության կարգավորմանը, բայց չի պատրաստվում միջամտել հակամարտությանը: «Էխո Մոսկվիի» եթերում այս մասին հայտարարել է ՌԴ ԱԳՆ խոսնակ Մարիա Զախարովան:
«Ռուսաստանը ծրագրում է ակտիվորեն մասնակցել ոչ թե հակամարտությանը, այլ դրա կարգավորմանը։ Եվ այս դեպքում ՌԴ-ն շատ ակտիվ մասնակցում է դրան։ Դիվանագիտական շփումներ են տեղի ունենում, և երբ հակամարտությունը մտավ թեժ փուլ, մենք օգտագործում ենք բոլոր հնարավորությունները, որպեսզի իրադրությունը կարգավորվի և կողմերը նստեն բանակցային սեղանի շուրջ՝ հետագա առաջխաղացման համար»,- ասել է ԱԳՆ ներկայացուցիչը։
Զախարովան շեշտել է՝ Ռուսաստանը կարծում է, որ ղարաբաղյան հակամարտությունը ռազմական լուծում չունի. այս հարցում ՌԴ-ի դիրքորոշումը տարբերվում է Թուրքիայի դիրքորոշումից: Նա նշել է, որ Մոսկվան մտադիր է օգտագործել իր տրամադրության տակ եղած բոլոր հնարավորությունները՝ հակամարտությունը լուծելու համար:
Տաթև Ֆռանգյան
