30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
ԱՄՆ Ազգային գվարդիան Փորթլենդ է մտցվել՝ փողոցներում կարգուկանոն հաստատելու համար
Քաղաքականություն
05.11.2020 | 13:29
ԱՄՆ Օրեգոն նահանգի նահանգապետ Քեյթ Բրաունը կարգադրել է Փորթլենդ մտցնել Ազգային գվարդիան՝ փողոցներում կարգուկանոն հաստատելու համար․ ընտրություններից հետո այստեղ բողոքի ցույցեր են սկսել, մասին հայտնում է USA Today-ը։
Աղբյուրի համաձայն՝ իրավապահ մարմինները լայնամասշտաբ իրավախախտումներ են արձանագրում։ Տեղեկություններ են ստացվել վանդալիզմի ակտի մասին։ Ակնկալվում է, որ ԱՄՆ ազգային գվարդիան կօգնի տեղի ոստիկանությանը փողոցներում կարգուկանոն հաստատելու հարցում։
«Նահանգապետի հրամանով մենք շարունակում ենք համատեղ աշխատանքներն ու հանրային անվտանգության խնդիրները լուծելու համար ռեսուրսների և տեղեկատվության փոխադարձ տրամադրումը»,- ասվում է տեղի իրավապահ մարմինների հայտարարությունում։
USA Today-ի տեղեկություններով՝ Փորթլենդում այս պահին ակտիվ են ցուցարարների երկու խմբեր։ Հաղորդվում է 10 ձերբակալվածի մասին։
