03.11.2026 | 19:15
Հարավային Կորեան և Թուրքիան պայմանավորվել են խորացնել համագործակցությունը միջուկային էներգետիկայի և պաշտպանության ոլորտներում
ԼՂ-ի մարտերում ահաբեկչական խմբավորումների հրամանատարներ են սպանվել․ լուսանկարներ են հրապարակվել
Քաղաքականություն
02.11.2020 | 15:52
Ադրբեջանում սպանվել է թուրքական «Համզա» դիվիզիայի 80 բրիգադի հրամանատար Օմար Ալ-Ջալաբին։ Այս մասին թվիթերյան իր միկրոբլոգում հայտնել է Մերձավոր Արևելքի հարցերով զբաղվող հայտնի լրագրող Էլիզաբեթ Ցուրկովը։
Նա նաև գրել է, որ Ադրբեջանում սպանված 9 սիրիացի վարձկանի մարմին էլ նախօրեին բերվել է Հիվար Քիլիս բնակավայր, որ գտնվում է Սիրիայի հյուսիսում։ Ցուրկովը տեղեկացնում է, թուրքամետ մեկ այլ՝ «Սուլթան Մուրադ» դիվիզիայի տասնյակ զինյալներ կորել են Լեռնային Ղարաբաղում։
«Զինյալները կորել են, որովհետև նրանք անծանոթ են տեղանքին։ Առվազն երկու զինյալ էլ գերեվարվել է հայկական ուժերի կողմից»,- գրել է նա։
Մեկ այլ հայտնի լրագրող Լինդսի Սնելլն էլ Twitter-ի իր միկրոբլոգում գրել է, որ «Սուլթան Մուրադ»-ի հրամանատարն է սպանվել Ադրբեջանում դիպուկահարի կրակոցից։ Նա նշել է, որ լուրը ստացել է Սիրիայում գտնվող «Սուլթան Մուրադ» խմբավորման անդամից։
Էմմա Չոբանյան
